فرص عمل
أهمية الأعمال التطوعية ودورها فى توظيف الشباب
الإثنين، 24 أكتوبر 2016 08:39 م
عمل تطوعى
بالراحه كده وركز معايا لمصلحتك
أهمية الأعمال التطوعية ودورها فى توظيف الشباب
دلوقتي انت بعد ما بتخلص الدراسة الجامعية و تيجي تبتدي مشوارك المهني بتيجي تقدم على أي وظيفة 90 % من الوظايف بتكون محتاجة خبرة في المجال
طب انت كواحد حديث التخرج هتجيب الخبرة منين ؟!
هو دة دور الأعمال التطوعية انها تديك خبرة في مجالات متعددة و اللي ممكن اي حد متخصص في اي حاجة في الدنيا يعملها
حياتك الجامعية تتراوح من 4 ل 5 سنين في الغالب دي فترة كافية أوي ان انت تنمي نفسك في كذا مجال عن طريق الأعمال التطوعية
ممكن تتطوع في مؤسسات خيرية أو NGOs ( Non governmental organizations ) أو أنشطة طلابية
هتساعدك تتحط تحت ضغط زي الضغط الوظيفي في الحياة المهنية عشان لما تعد أدام أي اتش آر في أي شركة و يسألك عن موقف اتحطيت فيه تحت ضغط تعرف تجاوب
لو محتاج recommendation letter عشان تقدم على منحة برة مصر و انت لسا مبتشتغلش و علاقتك مش حلوة بالدكتور بتاعك هتقدر تاخد recommendation letter من الهيد بتاعك في العمل التطوعي
الـ CV بتاعك لو مفيهوش أي أعمال تطوعية أو extracurricular activities غالبا بيترفض فالعمل التطوعي دة واجب عليك كطالب أو شخص لسا بيدور على وظيفة أو متوقع إن لسا هيكون ليه مستقبل مهني
التطوع مش بياخد من وقتك كتير بس على حسب شغل النشاط نفسه و على حسب انت في كام نشاط بس لو في نشاط واحد أو اتنين هتحس انك بتستغل وقت كدة دكة هتضيعه و في نفس الوقت بتتعلم و بتاخد خبرة و بتبني علاقات و بتاخد أفكار جديدة في حياتك
التطوع مالوش دعوة بالمجال اللي انت بتدرسه في الكلية عشان تدور على نشاط يخليك مثلا تشتغل في الفيزيا
لأ انت بتتطوع في نشاط كويس يديك خبرة و تحضر مع أي نشاط بينتج شغل في المجال بتاعك
مثال : أنا طالب في طب و أدامي نشاط بيشتغل على بتوع تجارة و نشاط بتاع كيميا مثلا
كتطوع كدة كدة هاخد نفس الخبرة في النشاطين في المجال اللي هتطوع فيه
كاستفادة في مجالي هستفاد بس لو حضرت مع المحاضرات و الكورسات و الأنشطة اللي بيعملها النشاط بتاع كيميا سواء كنت متطوع معاهم أو لأ
المجالات اللي ممكن تتعلمها خلال الأنشطة التطوعية بشكل عام و اللي موجودة في كل نشاط أو مؤسسة خيرية هي :
HR : و دة فيه منه قسمين هم الـ Developing و الـ Management
الـ Developing شغلته الأساسية إنه يشرف على شغل المؤسسة ككل و بيعمل evaluate عليه و بيقدم plans لتطوير المؤسسة أو الشركة و مسئول عن حل أي مشاكل فيها ككل و متابعة الأشخاص المسئولين داخل المؤسسة
الـ Management و دة مسئول عن كل الـ steps بتاعت الـ recruitment و هي فتح الركروتمنت للوظيفة أونلاين عن طريق الويب سايت أو الميل و فلترة السيفيهات أو الأبلكيشنز حسب شغل الؤسسة و عمل انترفيوهات للمتقدمين للوظيفة و فلترتهم حسب العدد اللي هو محتاجه و حسب الأفضلية
و مسئول بردو عن متابعة كل عضو أو موظف هو مسئول عنه في القسم اللي هو مسئول عنه و مسئول عن العقوبات و المكافئات و حل مشاكل أي شغل يواجه أي عضو في القسم بتاعه و مسئول عن أجور الموظفين و أجازاتهم
Marketing : و دول شغلهم إنهم يسوقوا للشركة أو للنشاط الطلابي اللي هم فيه سواء اون لاين عن طريق السوشال ميديا أو اوف لاين عن طريق الدعايا الإعلانية اللي موجودة في الشوارع و مسئولين عن انهم يعملوا Responding على السوشال ميديا بشكل عام و على السايت الخاص بالشركة أو المؤسسة أو النشاط
IT : و دول مسئولين عن الحاجات التيكنيكال اللي جوا الشركة أو النشاط زي مثلا الـ web development الخاص بالسايت بتاع الشركة و أي ديزاينز عليه
Media : و دة شغله مسئول عن الديزيانز و عمل فيديوهات الدعاية و تصوير أي اجتماعات أو إيفينتات خاصة بالنشاط أو الشركة
Logistics : و دة معظم شغله outdoor لأنه مسئول عن اي tools محتاجها التيم سواء تيشيرتس او IDs أو أي طباعة عموما و المفروض ان هو الأساسي في تنظيم أي ايفينتس او ميتينجس للنشاط أو الشركة بس هو في الشركات بيكون نظام شغله مهتم بالجودة أكتر و المجال أصلا بيبقا متوسع شوية و اسمه supply chain
PR (Public Relations) : و دول مسئولين العلاقات الخارجية اللي بيخلصوا أي ورق أو تعاقدات أو اجراءات قانونية عايزين يعملوها مع أي حد مع النشاط أو الشركة و هم اللي بيجيبوا الـ speakers في اي ايفينت و بيجيبوا الـ trainers في اي تدريب و هم الواجهة الخارجية للشركة أو المؤسسة أو النشاط بمعنى انهم بيمثلوا الشركة في لقاء تلفزيوني أو إذاعي و هم اللي بيمثلوها بردو في أي booth في أي job fair و هم بيسوقوا للمنظمة اللي هم شغالين فيها اوف لاين اكتر من بتوع الـ marketing اللي شغلهم معظمه تسويق أونلاين و دعايا إعلانية في الشوارع و كدة و الـ PR و تيم الـ logistics مسئولين عن عقد قاعات تحتاجها المنظمة في اي ايفينت او ميتنج
Fundraising : و دول المسئولين عن انهم يجيبوا sponsors للتيم و يعملوا فاند ليه بمعنى انهم يجيبوا أي تمويل يحتاجه النشاط أو الشركة و هم المسئولين عن أي عقد بيتم مع شركات أو مؤسسات أخرى بيكون داخل فيها فلوس
الـ committees دي اللي بتبقا موجودة في أي نشاط بس كل نشاط بيزود committees تانية حسب احتياجه و شغله هو و كل الـ committees اللي فاتت دي محتاجة انك تكون بتعرف تتعامل مع الناس كويس جدا عندك communication, negotiation & presentation skills كويسة جدا و الحاجات دي مش هتقدر تنميها الا لما تقدم في أنشطة تطوعية و طبعا الأنشطة بردو بيحتاجو الحاجات دي فعشان كدة بيعملولك interview لأن كل نشاط مبيبقاش عايز يشغل أي حد هو بيبقا عايز يشغل أحسن ناس هتكبره لأن بيبقا هدفه انه يكون احسن من غيره و بيقدم حاجات مختلفة بس طبعا الـ interview دة أكبر نظام ظالم فعشان كدة لو اترفضت اعرف ان مش شرط يكون العيب فيك بس انت ممكن يكون مش فيك الحاجة اللي هم عايزنها او فيك و انت معرفتش تبينها و ممكن تتقبل بردو و انت مش مناسب في المكان دة فالحل الوحيد إنك تقدم في أنشطة كتيييييييير أوي و تعمل interviews كتيييييير جدا عشان تاخد فيهم خبرة و تعرف انك تعدي من أي interview بسهولة و عشان تقدر تحصل أكبر كم من الاستفادة من غير ما تضيع وقت قدم في كل اللي يقابلك لو افترضنا انك قدمت في 50 نشطا هيرفضك منهم 40 و هيقبلك 10 هتختار منهم 2 او 3 بالكتير تكمل فيهم و بلاش تخليهم في نفس المجال خليهم في مجالات مختلفة عشان تعرف انت بتحب ايه و هتبقا عايز تتخصص فيه عشان على اساسه هتشتغل كدة
بس شغل الشركات مختلف أوي عن شغل اللجان يمكن شغل اللجان في الأنشطة أهون شوية مهما كانت صعوبته بس الشغل في الشركات متوسع أكتر بكتير بس على الأقل الأنشطة بتكون مدياك فكرة عنها أو اللي بيسموها في سوق العمل خبرة
مش كل الأنشطة التطوع فيها مستمر لحد ما تتخرج فيه أنشطة بمواسم و دي بتكون عبارة عن انها بتفتح باب التطوع غالبا في آخر شهر 7 أو نصه و تشتغل في الدراسة و بعد كدة يعملوا closing في شهر 4 و الموسم اللي بعده بيفتحوا باب التطوع من تاني لنممبرز جداد غير اللي فاتوا و برزدنت جديد و high boards جداد و ال high board stuff كله بيكون من الممبرز القدام و ممكن اي ممبر قديم يقدم as a member تاني و فيه أنشطة تانية التطوع فيها متاح لحد ما التخرج و أحيانا ممكن تكمل كمان
آخر نقطة لازم تعرفوها هو إن دخول أي نشاط أو مؤسسة يكون بطريقتين:
- إما انك تكون ممبر يعني متطوع بتشتغل معاهم بدون أجر بينزلك تاسك بديدلاين بيتحددلك و على أساسه انت بتنفذه و بيتعملك تدريبات على المجال اللي انت فيه الأول عشان تقدر تعمل التاسك دة ... و للعلم لازم التاسك بتاعك يتسلم في معاده و لو جه معاد الديدلاين بتاعك و انت لسا مخلصتوش لازم يحصل كونكشن بينك و بين الهيد و تطلب منه يمدلك الديدلاين أو انك تسلمه اللي انت خلصته من التاسك و تعتذرله لأن العمل التطوعي واجب فيه الالتزام زي العمل على أرض الواقع مش مجرد انك متطوع فعادي تشتغل بمزاجك لأنك واخد فرصة غيرك اللي كان ممكن يديهاله لما فتح ريكروتمنت و اختارك انت في الانتر فيو عن غيرك في حين ان كان ممكن يختار حد ملتزم عنك لو انت مش ملتزم
- و إما إنك تكون delegate و دي انت بتروح تحضر الـ trainings و الايفينتس بتاعت النشاط بس من غير ما تتطوع في أي شغل مع النشاط و بالتالي مش بيكون عليك أي تاسك بس لازم انك تلتزم بمواعيد التدريبات
هتلاقي معظمهم موجودين ع السايت بتاع مؤسسة معا لتأهيل الشباب لسوق العمل على الموقع دة
و هتعرف أهميتهم أكتر من هنا
و دي بعض أقوى و أشهر الأنشطة الطلابية اللي موجودة في بعض الجامعات على حد علمي الشخصي:
جامعة الأزهر:
Microsoft Tech Club - Al Azhar University
....................................................................
جامعة القاهرة:
....................................................................
جامعة حلوان:
....................................................................
جامعة عين شمس:
....................................................................
و دي بعض المؤسسات الخيرية و الأنشطة الخارجية اللي بيكون فيها تطوع:
معا http://adf.ly/1f4NsC
....................................................................
أنوار رسالة بكل فروعها
....................................................................
تابع صفحتنا على الفيسبوك من هنا وتابع كل جديد
تابع صفحتنا على الفيسبوك من هنا وتابع كل جديد
0 التعليقات:
إرسال تعليق